موقع ومنتديات المذيعه الجميله مشاعل عقيل


عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا
ادارة المنتدى
موقع ومنتديات المذيعه الجميله مشاعل عقيل

أهلا وسهلا بك يا زائر في موقع ومنتديات المذيعه الجميله مشاعل عقيل

اعــــــــــــــــــــــلان : اتمــــــــــــــــنى التـــــــــــفاعل مـــــــــــع الاعــــــــــضاء و العضــــــــــو الـــــي مـــــــا يشــــــــاركـ راح احــــــــــــذف عضـــــــويته

    امنتك الله يا حبيبي ابرحل

    شاطر
    avatar
    اموت في عبود

    تاريخ التسجيل : 17/03/2010

    عدد المساهمات : 192

    العمر : 23

    الجنس :

    الـهوايه :

    الـوظـيفه :

    المزاج : تمام

    الدولـه : الكويت

    جديد امنتك الله يا حبيبي ابرحل

    مُساهمة من طرف اموت في عبود في الجمعة أبريل 23, 2010 10:18 am

    اولاً و قبل لا ابدأ روايتي حبيت اشكر صديقتي (دموع المشتاق ) اللي شجعتني انا كيك و عسل على اني اكتب هالرواية اللي اتمنى انها تعجبكم
    و فعلاً انا عايشت هالرواية و بكل لحظة كنت حاسة اني انا اللي اعيش هالموقف و شكرا
    ببدي الروايه بسم الله الذي لا يوجد اجمل و اعظم من لفظ الجلاله سبحانه و لله الحمد
    بسم الله الرحمن الرحيم
    رواية سعوديه ...
    قبل لا نبدأ بالرواية نعرفكم على الشخصيات :
    منال : 19 سنه بنت حلوووووووة بشكل مو طبيعي و عرسها على الشخص اللي حبته طول حياتها بعد ثلاث اسابيع ..
    هلا : 16 سنه اخت منال و توأم روحها و حلووووة حيل بس مو نفس اختها ..
    ابو منال ( خالد) : 45 سنه و غني جدا جداو يحب بناته بشكل مو طبيعي و ما عنده سوالف مابي بنات ابي ولدو يخاف من ربه كثير .
    ام منال ( سعاد ) : 45 سنه بنت عم ابو منال و ربة منزل و تحب بناتها و تخاف عليهم من نسمة الهوا الطايرة ..
    .. .
    عمر : 20 سنه ولد عم منال و خطيبها مرررررة حلو و اخلاق و ادب و يحبها بشكل خيالي ..
    سارة : 19 سنه اخت عمر و طالبة بالجامعة و حلوة بس مو كثير ..
    ام عمر (هند) : 46 سنه و تحب عيالها كثير لكن هي سيدة مجتمع و اوقات قليلة تجلس بالبيت ..
    ابو عمر ( صالح ): " متوفي من 5 سنين " بس عمر مكانه بالبيت ..
    ...
    قبل سنتين بالتحديد بالرياض كانت منال جالسة تكلم عمر و هو راجع من البر ..
    منال : لااااااا انا احبك اكثر ..
    عمر : انا اقول انا اكثر ..
    منال : لا انا اكثر و لا ترى ازعل ..
    عمر : لااااا خلاااااص كل شي ولا تزعلين علي يا قلبي ..خلاااااص انتي اكثر ..
    منال : يعني انت تحبني كثيــــــــــــــــــر ..
    عمر : و اموووووووت فيك ..
    منال سمعت صوت حادث موب هين ..
    منال خافت : عــــــمــــــــــر ..عمــــــــــــر ..و جلست تصيح عمــــــــــــــر رد علي عمــــــــر ..
    و سكرت التيلفون و طلعت للمواقف و نادت السواق و خذت المفتاح منه لأن سواقهم بطيء و ركبت هي السيارة ..
    و بما انها تعرف هو وين و هي تدل كل شبر بالرياض ..
    ركبت السيارة و حركت و هلا و امها لاحقينها لأن البنت تصارخ باسم عمر لا ترووح ..
    و طول ما هي بالطريق ما بقت دورية بالرياض ما لحقتها وراها دوريات ..
    ولما قربت من مكان الحادث شافت سيارة عمر مقلوبة و داست زيادة و صارت مسرعة بشكل مو طبيعي ..
    و لما وصلت لقت عمر ..و الشرطة يلحقونها ..بس يا ليتها ما لقته و لا شافته بهالشكل بس ماكان ميت كان على وشك انه يموت ثم قال : اللـــــــــــه يا منال انتي هنا منال احبك و الله احبك و ربي يشهد منال ..
    منال تبكي و الشرطة يطالعونها : هلا يا قلبي ..
    عمر بابتسامه : اشوف الجنه يا منال ..
    منال تبكي زيادة : لا يا قلبي لا تقول كذا حنا عرسنا بعد اسبوعين ..
    عمر : يا قلبي ماراح الحق عليه <و رفع اصبعه > اشهد ان لا اله الا الله و ان محمد رسول الله ..احبك يا منال ..
    منال طول ما كان يتشهد كانت تصيح زيادة : لااااااا عـــــــــــــــمـــــــــــــــر حبيبي لا تروح و تتركني لحالي ..
    و مر اسبوعين على الحادث و منال حالتها النفسية تسوء اكثر و اكثر و صارت تقريبا مجنونة و راحت لبيت عمها بتاريخ عرسها ..
    و عند الباب منال : انا خالتي ..
    ام عمر : هلا فيك بنتي ..
    منال بابتسامه مو طبيعيه : خالتي وين عموري ..
    ام عمر ضايقه فيها الدنيا : ياا يما لا تقولين كذا عمر عند .. ربه ...
    منال : لا خالتي انا لسه مكلمته ..
    ام عمر : يا بنتي حنا اللي فينا كافينا ..
    منال : خالتي انتي وش تتكلمين عنه ..
    ام عمر : تعالي يا بنتي داخل و خليني اتصل على امك تجي تاخذك ..
    و دخلت ام عمر منال و اتصلت بأمها و قالت : يا ام منال هذي خامس مرة منال تجيلنا من وفاة المرحوم ..
    ام منال : والله ياختي مدري وش اقولك بس انتي عارفة انها كانت تحبه ووفاته جت بوقت مو مناسب يعني قبل عرسه عليها و البنت متأثرة.
    و انا انشالله جايه لك عشان اخذها يلااا مع السلامة ..
    و كانت حالتهم كذا لمدة شهرين تجي منال لبيت عمها و تدور عمر و بيوم قرر ابو منال يوديها مستشفى الطب النفسي ..
    و قالوا الدكاترة بالأجماع ان حالة منال خطيرة و اذا ما تعالجت بالخارج راح تتدهور حالتها و تموت ..
    و بدون أي مقدمات على طول ابو منال اخذ طيارته الخاصه و سافر هو و منال للندن و اشترى له بيت هناك بما انهم مطولين ..
    وجلسوا هناك و ما بين الفترة و الثانية تجي لها هلا و امها و ابوها ..
    بالوقت الحالي ...
    منال تكلم الممرضة : CAN I EAT THES .?.
    الممرضة : NO THAT’S BAD FOR YOU THES IS YOUR FOOD ..
    منال : اوكي ثانكيو ..عساك للعمى قولي آمين ..
    ضحك الدكتور ثم قال : حرام عليج شسوت الحرمة عشان تقولج هذا موب اكلج تسوين جذي ..
    منال تنحت على الدكتور الأماراتي اللي دخل عليها و هو نسخة عمر بس هو له سكسوكة خليجية : هااااا..
    الدكتور عبدالرحمن : انا الدكتور عبدالرحمن انا دكتورج اليديد خبروني انج عربيه قلت بما انج عربيه فراح يكون تفاهمنا اسهل ..
    منال على نفس التتنيحة : عمر حبيبي .. روح لهم هم يقولون انك مت و انا ما صدقت مع اني حلمت انك مت بعيد الشر عنك ..
    الدكتور عبدالرحمن عارف سالفتها : ايه بس انا ..
    منال : عمر ..
    عبدالرحمن : نعم ..
    منال : انت تحبني ..
    عبدالرحمن : أي اكيد احبج مثل اختي ..
    منال : مثل اختك ..
    عبدالرحمن جلس بالكرسي اللي جمبها و قرر انه يقولها الحقيقة لأنه يمكن اذا سمعت السالفة من شخص هي تعتبره حبيبها و هو اساسا ما يعرفها و لا حتى هي تعرفه بس قرر انه يقولها كل شي : منال انا اعتبرج مثل اختي عشان جذي ابيج تركزين و تفهمين كل كلمة بقولها اوكي ..
    منال : اوكي ..
    عبدالرحمن قال لها كل شي ..
    منال : يعني كل اللي قالوه اهلي حقيقة موب حلم او كذب ..
    عبدالرحمن: للأسف ايه و مادري عنج ليش قلتي لي عمر بس يمكن اشبهه ..
    منال : ههه تشبهه الا انت عمر نفس الوجه نفس طريقة الكلام نفس الـ ..
    عبدالرحمن: الـ .. شنو .؟.
    منال : نفس الحلات و الجمال ..
    عبدالرحمن : هههههه ..
    منال : حتى نفس الضحكة ..
    عبدالرحمن : يا منال .. انا اعتبرج مثل اختي يعني انتي مثل اختي ولا يمكن ابد اكون عمر اللي في بالج ..
    منال : انت مو سعودي صح ..
    عبدالرحمن: هيه .. انا موب سعودي ..انا اماراتي ..
    منال : ايه عرفت من طريقة كلامك ..بس يا دكتور كلامك هذا ما يدخل العقل ..كيف اهلي ما خبروني عن هالسالفة من قبل ..
    عبدالرحمن : اهلج كذا مرة قالولج بس انتي ما كنتي متقبلة السالفة الا مني .. لأني على قولتج اشبه عمر ..
    منال تطلع من شنطتها بوكها و فتحته : شوف هذي صورة عمر ..
    الدكتور عبدالرحمن انصدم ما توقع انه يشبهه لهالدرجة و كأنهم توأم : هذا انا ..
    منال : لا يا عبدالرحمن هذا عمر اللي .. كان لي ..
    الدكتور عبدالرحمن منصدم بالصورة اللي تشابهه لدرجة الجنون كل لمحة كل شي حتى الغمازات هي نفسها ..
    منال : عبدالرحمن ..
    الدكتور عبدالرحمن: نعم ..
    منال : ممكن طلب ..؟..
    الدكتور عبدالرحمن : تفضلي ..
    منال : ممكن اعزمك بيوم ..
    الدكتور عبدالرحمن بابتسامه : اممممم اوكي واي نوت < يعني ليش لا ..
    منال : اوكي بكرة عالغدا امرك بالمستشفى و نروح اوكي ..
    الدكتور عبدالرحمن : اوكي ..
    منال فرحت لما قالها انه موافق بشكل مو طبيعي ..و جا بكرة عالغدا و وصلت منال للمستشفى وراحت لغرفة الدكتور عبدالرحمن ..
    طق طق طق
    عبدالرحمن : كوم ان ..<ادخل
    منال : غوود افتر نون < مساء الخير ..
    عبدالرحمن فرح لما شافها : هــــــــــــلاااااااااااا منال شحالج ..
    منال : هـــــــلا فيك انا بخير انت شحالك ..
    عبدالرحمن : هههههه و الله و صرنا نتحجى اماراتي ..
    منال فصلت على غمازاته : اماراتي سعودي باكستاني كله واحد كلنا بشر ..
    عبدالرحمن : هههههه و انتي الصاجة يلااا مشينا ...
    منال : اوكي يلااااااااااااااا ..
    عبدالرحمن و منال راحوا مطعم فخم جدا بأحد ضواحي لندن المعروفة و الغالية ..
    منال : عبدالرحمن ..
    عبدالرحمن : هلا ..
    منال : تصدقني لو قلت لك فقدتك ...
    عبدالرحمن : لااااااا منال لا تخليني ازعل منج ترى انا قلت لج انتي مثل اختي ..
    منال : ادري يعني مافي اخت تشتاق لأخوها ..
    عبدالرحمن : طيب ..
    و جلسوا يسولفون و طلعوا اكثر من مرة و صارت طلعاتهم يومية لحد ما جا يوم وصول اهل منال من الرياض لزيارتها ..
    منال : اقول عبدالرحمن..
    عبدالرحمن: هلا ..
    منال : اليوم اهلي بيوصلون من الرياض وش رايك نستقبلهم حنا الأثنين ..
    عبدالرحمن : من صجج انتي ..
    منال : ابي افاجأهم ..
    عبدالرحمن : لا يا معوده خلي المفاجأت لج انا مابي ..
    منال : عشــــــــــــااااااااااااااااني ..
    عبدالرحمن : طيب بس عشانك ولو اني مو متطمن ..
    منال : لا عادي بس المهم نلتقي بالمطار اليوم الساعة 6 و نص المسا اووووكي ..
    عبدالرحمن : اوووكي ..
    منال : الحين لاوم اسكر عشان اجهز الغرف اوكي ..
    عبدالرحمن: اوكي باااااي ..
    منال : باااااي <و لما سكرته > يا عمري ..ان ما خليتك تتولع فيني ما اكون منال بنت خالد ..
    عبدالرحمن لما سكر منها حس انه فقدها و فقد صوتها و قال بنفسه " انا شفيني قمت افكر فيها وايد معقوله اكون حبيتها لا مو معقول بس ليش .؟.لا انا مستحيل انسى .. اااااااه يا غالية ليشت سوين فيني جذي بس عشان حبيتج من كل قلبي ..بس هي نستني و تزوجت ..
    خلاص مدام هي نستني انا بعد لازم انساها و افكر بشخص ثاني بس معقوله ..يعني انا احب منال بس منال ماتحبني انا هي تحب عمر حبيبها .. بس عمر حبيبها مات يعني اقدر اخليها تحبني انا .. انا ليش قاعد اقول جذي معقوله حبيتها بهالسرعة ما صارلي شهرين من عرفتها ." قطع تفكيره صوت الممرضة و هي تقول له يجي لأن في مريض يبيه ..
    ووصلت منال المطار الساعة 6 و لقت عبدالرحمن ..
    منال : عبدالرحمن..
    عبدالرحمن : هلاااا ..
    منال : انت هنا من الحين ..
    عبدالرحمن انحرج وش يبي بيقول انا جاي قبل الموعد بنص ساعة عشان مشتاق لج : آأ .. انتي قلتي ايي الساعة 6 ولا شنو ..؟..
    منال بابتسامه خبيثة : يعني تبغى تفهمني انك ما اشتقت لي ..
    &&&&&&&&&&&&&&&&&&&&&&&

    يتبع ...





    [justify]
    avatar
    حياة

    تاريخ التسجيل : 23/02/2010

    عدد المساهمات : 783

    العمر : 21

    الجنس :

    الـهوايه :

    الـوظـيفه :

    المزاج : اكتب

    الدولـه : السعوديه

    جديد رد: امنتك الله يا حبيبي ابرحل

    مُساهمة من طرف حياة في الخميس يونيو 03, 2010 3:33 am

    يسلمو اموت في عبود lol!
    avatar
    روعة احساس

    تاريخ التسجيل : 19/04/2010

    عدد المساهمات : 225

    الجنس :

    الـهوايه :

    الـوظـيفه :

    المزاج : استشور شعري

    الدولـه : السعوديه

    جديد رد: امنتك الله يا حبيبي ابرحل

    مُساهمة من طرف روعة احساس في الخميس يونيو 03, 2010 7:26 pm

    يسلمووووووووووووووووو
    [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    اموت في عبود

    تاريخ التسجيل : 17/03/2010

    عدد المساهمات : 192

    العمر : 23

    الجنس :

    الـهوايه :

    الـوظـيفه :

    المزاج : تمام

    الدولـه : الكويت

    جديد رد: امنتك الله يا حبيبي ابرحل

    مُساهمة من طرف اموت في عبود في الأحد يونيو 20, 2010 10:46 am

    العفووو
    avatar
    اموت في عبود

    تاريخ التسجيل : 17/03/2010

    عدد المساهمات : 192

    العمر : 23

    الجنس :

    الـهوايه :

    الـوظـيفه :

    المزاج : تمام

    الدولـه : الكويت

    جديد رد: امنتك الله يا حبيبي ابرحل

    مُساهمة من طرف اموت في عبود في الأحد يونيو 20, 2010 10:50 am

    منال بابتسامه خبيثة : يعني تبغى تفهمني انك ما اشتقت لي ..
    عبدالرحمن : تبين الصراحة ..مووووووووووت فقدتج ..
    منال فرحانه بس ما تبي تبين : أي حتى انا بس اهلي ترى طيارتهم توصل الساعة 7 و نص ..
    عبدالرحمن: عيل ليش قلتي لي تعال 6 و نص ..
    منال ضحكت : يعني انت عارف اني قلت 6 و نص ..
    عبدالرحمن انحرج : هاااا لا بس ..
    منال ضحكت على شكله : ههههههههههههههههههههههه طيب يلااا خلنا نقعد لنا بكوفي علما توصل الطيارة ..
    عبدالرحمن ضحك و يقول بنفسه " ياااااااااااا لباااا الضحكة " : يكون افضل هههههه ...
    منال و عبدالرحمن جلسوا يسولفون و يضحكون لحد ما وصلت الطيارة و راحوا لها و طبعا منال قالت لأبوها عن عبدالرحمن بس طبعا ابوها ما صدق بس لما وصلوا امها و ابوها و هلا ..
    منال : باااااابااااااااااا حبيبي اشتقت لك مرررررررة ..
    ابو منال : و الله انا اكثر > ما انتبه لعبدالرحمن لأنه واقف بعيد شوي ..
    منال : مااماااااا ..كيفك ..؟..
    ام منال : انا بألف خير .. انت يا بنتي كيف احوالك ..
    منال : انا بخير ..
    هلا : انا يعني ما تسلمين علي ولا كيف يعني ..
    منال : هـــــــــــلااااااااا حبيبتي كيفك اشتقت لك كثيـــر بقولك سوالف كثيـــــر عندي .. بس لحظة ..
    وين . عبدالرحمن.؟..
    امها و هلا استغربوا لكن الأبو تشوق انه يشوف الشخص اللي طلع بنته من حالتها النفسية السيئة ..
    منال : عبدالرحمن..
    عبدالرحمن طلع من ورا هلا : هلاااا ..
    هلا : نعم ..
    عبدالرحمن ضحك : لا بس منال نادتني ..
    اهلها كلهم تنحوا بعبدالرحمن و الشبه بينه و بين عمر اللي توفى ..
    هلا صارخت : اااااااه يما شبح عمر بابا الحقني ..
    ابو منال مو مصدق بالمرة معقوله شبه لهادرجة نفس كل تفصيل كأنه توأم عمر حتى نفس الصوت : انت عبدالرحمن اللي تقول عنه منال ..
    عبدالرحمن : هيه عمي ..
    ام منال : سبحان الله لا اله الا الله يخلق من الشبه اربعين ..
    عبدالرحمن بابتسامه : يلااا عمي انت الحين اكيد تعبان و تبي تريح خلني اوصلكم ..
    هلا مو مصدقه للحين : يعني انت كائن بشري ..
    عبد الرحمن ضحك نفس ضحكة عمر الغريبة اهل منال تنحوا على ضحكته و هلا قالت : لااااااا في شي غلط بالموضوع ولا كيف نفس الضحكة بعد مــــــســــــتـــــــحـــــــــيــــــــــل ..
    عبدالرحمن : هههههه طيب يلااا عمي نسير للبيت ..
    هلا خذت منال على جنب : و هذا وين لقيتيه ..؟..
    منال تضحك على اختها اللي مو مصدقه : هههههه تصدقين هو دكتوري اللي يعالجني و عزمته و صرنا ربع هههههه ..
    هلا : بس هو مررررررررة يشبه عمر .. الله يرحمه ..
    منال بحزن : اللـــــــه يرحمه برحمته ..اي هو مرة يشبهه انا ما صدقت لما شفته ..
    هلا : شوفي امي و ابوي كيف ماخذين عليه و يعاملونه مثل ما كانوا يعاملون عمر ..
    منال : هههههه أي و الله ماخذين عليه مرة بس الله يستر لا يقول ابوي نكته البايخة لعبدالرحمن ترى عبدالرحمن ابيخ منه الله يستر لا يشتغلون هم الأثنين علينا نكت بايخة ..
    هلا : ههههههههههه بذمتك وش اكثر نكته بايخه قالها لك ..
    منال : مره عصفور طار ما لقى جنحانه خخخخخخ..
    هلا : كذابه ..
    منال : والله ليه ..
    هلا : هذي ابوي توه قايلها لي انا و امي بالطيارة امي بغت تخنقه هههههههههه ..
    منال : هههههههههه سبحان الله ..
    و نادى عبد الرحمن البنات و ركبوا سيارة عبدالرحمن الفخمه لأن عبدالرحمن بعد غني جدا و هو وحيد امه و ابوه اللي عايشين بلندن لحد ما يخلص ابوه من العلاج لأن ابوه مريض ..
    هلا تهمس لمنال : غني بعد الله يهنيك فيه زين و ادب و غنى هههههه..
    منال : اسكتي فضحتينا ..
    ابو منال : و انت اماراتي ..
    عبدالرحمن : هيه عمي ..
    ابو منال : وش تشتغل هني و ورا ما تشتغل بالأمارات ..
    عبدالرحمن : عمي الله يسلمك انا دكتور نفسي لأن برايي اكثر مرض قاتل بالعالم هو المرض النفسي ..
    ابو منال : ايييه و انت صادق ..
    عبدالرحمن : و انا مابي اشتغل بالأمارات لأن ابوي هني يعالج و معاه امي و انا وحيدهم يعني ما اقدر اخليهم بس انشالله ان خلص ابوي العلاج برجع الأمارات و بشتغل ..
    ابو منال : ايييييه الله يشفيه انشالله وعفيه عليك يا ولدي لا تخلي ابوك و امك بديرة الغربة بروحهم ..
    عبدالرحمن : الله يسمع منك يا عمي و يشفيه و اكييييييد ما راح اخلي امي و ابوي بروحهم انا مالي غيرهم بهالدنيا ..
    ابو منال : و انت وش اسمك الكامل ..
    عبدالرحمن : انا عبد الرحمن جاسم ال ............. .
    ابو منال : انت ولد جاسم يااااااا هلااااااااا و الله ترى انا و ابوك ربع من زماااان بس الزمن و الدنيا لهتنا عن بعض ..
    عبد الرحمن : خلااااص عيل لازم تزورزنا بالبيت انت و البنات ..
    وكملوا سوالف و ضحك علما وصلوا و لما وصلوا ...
    عبدالرحمن : عمي اذا بغيت أي شي هذا رقمي بس اتصل فيني و انا حاضر باللي تبون ..
    هلا : ابي توديني اكبر محل حلويات بلندن ...
    عبدالرحمن يضحك : هههههه انشااااااالله ..بس مو اليوم باجر انشالله عازمكم كلكم عالغدا شقلت يا عمي ..
    ابو منال : بكرة ميخالف بس الحساب علي ..
    عبدالرحمن : و هذا المطلوب هههههههههه ..
    ابو منال : ههههههههههه يلااا اشوفك على خير ..
    ام منال : تفضل يا ولدي اشرب لك شاي ولا قهوة ..
    عبدالرحمن : لا خالتي انا عندي مواعيد ثانية و لازم اروح البيت من الصبح ما شفت ابوي ..
    ام منال : على راحتك يا ولدي ...
    و راح عبد الرحمن و دخل الكل الفيلا الكبيرة اللي شاريها ابو منال لبنته ..
    ابو منال : منال ..
    منال : هلا يبا ..
    ابو منال : هذا دكتورك ..؟..
    منال : ايه يبا>و قالت له كيف عرفته و قالت له كل شي طبعا ابو منال فري جدا يعني عادي عنده < ..
    ابو منال : سبحان الله يخلق من الشبه اربعين هالسالفة ولا بالأحلام ..
    منال : بابا ..
    ابو منال : انتي ما تقولين بابا الا تبين شي خير ..
    منال : هههههه مشكلتك عارفني زييييييييين ..
    ابو منال : بنتي كيف ما اعرفك ..
    منال : طيب عااااادي اطلع معاكم بكرة ..
    ابو منال : حنا كلنا بنروح انا و امك و اختك و عبد الرحمن تدرين صار لنا فترة من جينا لندن اخر مرة و نبي نسهر بعد لآخر الليل ..
    منال بفرحة مو طبيعية : يـــــــــــــــــــــــسسسسسسسسس...
    ابو منال : انا ادري مو لله و يلااااااااا غرفتك لا يجيك شي ما شفتيه بنات اخر زمن ..
    منال : هههههههههه اووووووكي ..
    و راحت غرفتها و بعد خمس دقايق دخلت عليها هلا و هي تقول : منال ..
    منال : نعم ..
    هلا : ممكن آخذ لابتوبك ..
    منال : اوووكي بس لا تفتحين أي ملف الا الأغاني اذا تبين تسمعين و بعدين وين لابتوبك ..
    هلا : انكسر ..
    منال : نـــــعــــــــم ما صار له خمس اشهر عندك مسرع ..
    هلا : شسوي كنت جالسة اركض و ماسكته فطاح مني ...
    منال : خلاص اخذيه بس رديه ابيه عندي بحث ..
    هلا : من عــــــيــــــــوني ..
    منال : تسلم لي عيونك ..
    هلا : بس منال ..
    منال : نعم ..
    هلا : ممكن اقولك شي سمعت ابوي و امي يتكلمون عنه تحت ..
    منال عدلت قعدتها : وش سمعتي ..
    هلا : شوفي انا متأكدة اني سمعتهم يقولون هالكلام عشان ما تقولين كذابة و كذا ..
    منال : طيب طيب مانيب قايلة بس تكلمي ..
    هلا : سمعت بابا يقول عبدالرحمن منين طلع لنا و امي قالت هذا اخوه و بعدين هذول بنات عمه و اظن كانت تقصدنا و قال ابوي بعدين ادري هذا ولدعمهم بس هم ما يدرون انه توأمه ..
    منال انصدمت و نزلت دمعتها : انتي تتكلمين من جد ..
    هلا : أي و اللــــه ادري موب مصدقة نفسي بس اظن انه في سر لازم نعرفه ..
    منال قامت : انا بروح لأبوي و ابي اعرف الحقيقة ..
    هلا : لا تقولين ان انا اللي قلتلك ..
    منال : طيب ..
    بزاوية ثانية بالفيلا ام منال تكلم ام عمر ..
    ام منال : كيفك ام عمر و كيف سارة ..
    ام عمر : و الله انا و سارة بخير و اخواني مو مخلين علينا قاصر الحمدلله من جينا سكنا معهم ما قصروا معنا قايمين فينا و اكثر و سارة الحين هي عندها بنات خوالها تقعد معهم و مستانسين الحمدلله ..
    ام منال : الله يبشرك بالخير الحمد لله ام عمر يا اختي بقولك شي ..
    ام عمر : خير عسى ما شر ..
    ام منال : لا انشالله خير بس السالفة اللي قبل 22 سنه ...
    ام عمر : أي سالفة .. ما فهمت ..
    ام منال : عيالك التوم ..
    ام عمر بصوت كأنها تبي تبكي : وش فيهم واحد..عند ربه .. و واحد الله يعلم هو وين بالأمارات ولا وين ..
    ام منال : و اللي يقولك وينه ..؟..
    ام عمر بصوت كله امل : صدق وينه صار لي 15 سنه ما شفته اااااااااه يا ولدي الله يرحم ابوك اللي ضحى فيك عشان الفلوس ..
    ام منال : ايييه الله يرحمه المهم انه هنا بلندن و هو دكتور منال بنتي من فترة ...
    ام عمر : طيب منال كيفها ..
    ام منال : منال ماخذه عليه مثل ما كانت ماخذه عليه مثل ما كانت ماخذه على .. و سكتت
    ام عمر : ليه سكتي قوليها مثل ما كانت ماخذه على المرحوم ..
    ام منال : والله ما كان ودي اقلب عليك المواجع بس ..
    ام عمر : لا يا ام منال عادي ولدي يمكن راح بجسمه لكن روحه و قلبه معي ..
    ام منال : خلينا بالمهم انا صراحة لما شفت الولد انصدمت ما توقعته يشبهه لهالدرجة ..
    ام عمر : شوقتيني اشوفه ..
    ام منال : ايه بس هو ما يدري اننا حنا اهله ..
    ام عمر : مو مشكلة اشوفه من بعيد ..
    ام منال : طيب اكلم ابو منال و اقولك ..
    ام عمر : على طاري ابو منال ابيك تكلمينه بموضوع ..
    ام منال : خير ..
    ام عمر : انشالله خير لا بس ولد اخوي ناصر يبي يخطب بنتي سارة بس يقول متى بيرجع ابو منال علشان يتقدم لها رسمي لأن ابو منال هو الحين ولي امرها من بعد وفاة المرحوم ابوها و اخوها ..
    ام منال : ايييييييه الله يقدم اللي فيه الخير و البركة و الله يهنيهم و انشالله راجعين بعد اسبوعين و انتي اهلك و النعم فيهم ما تنردون و انشالله بكلمه بالموضوع اليوم ..
    ام عمر : طيب يالله انا الحين لازم اسكر علشان سارة تناديني بروح اشوف وش تبي ..
    ام منال : طيب مع السلامه و سلمي لي على الأهل و على سارة تراها بنتي انا بعد ..
    ام عمر : اكيد و انشالله يوصل يالله مع السلامه ..
    ام منال : مع السلامة ..
    و لما راحت ام منال للصالة صادفت منال و هي تبي تدخل ..
    منال : الحمد لله يما انك هنا ابيك انتي و ابوي بموضوع ضروري ..
    ام منال : خير ...
    منال : ادخلي يما و انا اقولك ..

    نـــــــــــهـــــــــآآية البــــارت .*.

    *************************
    <<< الفصل الأول >>>
    $$&& البارت الثاني &&$$

    الم نوف

    تاريخ التسجيل : 31/05/2014

    عدد المساهمات : 1

    الجنس :

    الـهوايه :

    الـوظـيفه : ..

    الدولـه : الكويت

    جديد رد: امنتك الله يا حبيبي ابرحل

    مُساهمة من طرف الم نوف في السبت مايو 31, 2014 10:41 am

    كمليها بلييييييييييييييييييز

      الوقت/التاريخ الآن هو الإثنين أبريل 23, 2018 5:37 pm