من طرف غرام الليل الثلاثاء ديسمبر 14, 2010 1:04 amخطاب رمله لولدها القاسم بن الحسن (عليه السلام)
يجـاسم يـــبني حيلي عليك دمعاي
ودلـــيلي بــالنحب والـنوح دمعاي
اشلون اصبر وانشّف سيل دمعاي
وشفـــت دمــك يسيل اعله الوطيه
----------------
وداع القاسم بن الحسن
مـــن جـمر الظلوع مـــن نـــار الدموع
يــبــني يـــجاســـم بالخيـم اعلگلك شموع
مــــن نــار الـدموع
* * *
ســـالت دمـوع العواطف من شفت رمله الغريبه
ابوسط صيــوان النـــوايب حانيه ظلوع المصيبه
تـــنـــظر لحــــوفة ولـــدها والچــــبد يسعر لهيبه
صــــاحت ومــــدمعها همل گــــلـــبي يجــــسام انوجل
ابغـــيــــبتك لو ضاع الأمل هــــالامــــل يا هو اليجيبه
عـــگــــبك يــجاسم تغـــــدرني الأيــــام
ورمــــش الجـــفــن مــا ينزرع لو شفته مگطوع
مـــن نـــار الـدموع
* * *
لا تـــضــن احــــزن يجاسم للحرب لو ردت تطلع
مثل ما درعك لبـــســته بـــالصبر گــــــلبي تدرّع
وچبدي تـتضمد جروحه لو شفت جسمك امگطع
عـــــهدك تضـــحي يا شهم والـــوفي ابـــعـــهده يلتزم
ارضعتك وفه وطيب وعزم گــــوم وفـــيــلي المـرضع
والحـــســن وصـاك تـــتـــحنه بــــدماك
ومـــنــــهــــج وصــــية والــــدك بـعيوني مطبوع
القاسم بن الحسن (عليه السلام)
يـــــا جـــــاسم مــبارك بعرسك طابــــت بـــــهذا العرس نفسك
الآمال
ربـيـــتـك واحـسـب أيــام ظـنـيـت افــرح يـا جسـام
غـابـت شـمسك لـيـلـة عـرســك
ظـنـيـت افــرح يـا جسـام
* * *
يـــا فـرحـة اسـنـيـن المضت اگـعـــد يـجــاســم واســــمــع
ارويــــلـك اســـنـيـن الـعـمـر مـــــن الـمـــهـد للمـــصـــرع-------------
بين الشموع والدموع
مـــا أدري أعـلـگ شمعتك لـــو أجــري دمـعـة عـيـنـي
بـيـــن الـشـمـع بـيـــــن الـدمــع
محتاره ظليت يبني محتاره ظليت
* * *
يـبـنـي الـتـسـرنـي شـوفتك يــا ضــوه عـيـون الـربـتك
چـنـت احـسـب سنين العمر وانـتـظــر سـاعــة زفـتـــك
حــانت السـاعـه وشـاهدت بالـخـيـمـه نـصـبـوا حوفتك
وانتـــه البست ثوب الچفن نـــاوي تــروح لحــومـتــك
يـوليــدي چـاويـن العــرس ويــــن انـتـــظـار اسـنـيـني
اشـــراح انـتظر تــــــاه الفــكــر
محتاره ظليت يبني محتاره ظليت
مـــن بـعـــد اتـعــاب الـحـمل گلبــــــي ابـربــــاك اتـلـــــوع
بـيـــدي اعصـرتـــلك چبـدتي وگتـــــــلك يجـــاسـم ارضــع
يـولـيدي ارضعتك سنتين خـلـيـتـك بـرمـوش العين
وعيني اتحرسك لـيـلـة عـرســك
ظـنـيـت افــرح يـا جسـام
* * *
بــــالحومه يبني اسمعت حسك من ابزغــــت للحـــرب شمسك
لقنـــــت للعـــــدوان درســــــك يولـــــيدي بســــــــك بعد بسك
خــــــلي الشهاده تروي غرسك لا زال دمـــــك كتـــــب طرسك
هـــــاك اخذ روح امك تحرسك
* * *
نسألكم الدعاء
