هذي مقابلة مع سوسن تتكلم فيها عن عبدالله مال الله و شنو هي أطباعه
وهذي المقابلة شوي قديمة تقريبا في رمضان
ظهروا مع بعض من خلال
برنامج للاطفال على قناة الراي
واثبتوا وجودهم في فترة
بسيطة ونالوا حب الجمهور من
القلب هناك امور كثيرة خلف
الكواليس لا يعلمها الجمهور ومن
خلال هذه الامور اطباع غريبة
وجميلة في نفس الوقت، المذيعة
الجميلة والمتألقة سوسن هارون
استطاعت ان تكشف لنا بعض
هذه الاطباع عن زميل المذيع
عبدالله مال الله من خلال هذا
الحوار الشيق:
سوسن شلونچ؟
بخير انا الحمد الله.
شلون الاجواء الاعلامية
معاچ؟
دام جمهوري مازال يتابعني
ويحبني انا بخير وهذا من فضل
الله على الانسان.
الله يوفقچ؟
مشكورين وايد وما
تقصرون.
سوسن شلون علاقتچ مع
عبدالله مال الله؟
عبدالله من اقرب الناس لي
في الوسط الاعلامي وانا وايد
احترمه واقدره وأكن له كل الحب
والاحترام لأنه بالفعل انسان
يستحق وعلى فكرة انا وعبدالله
دخلنا مع بعض الى قناة الراي
واجتهدنا واثبتنا نفسنا من خلال
اعمالنا وطلتنا على الجمهور.
شنو الاطباع اللي تحبينها في
عبدالله؟
اطباع كثيرة ما تنعد ولا
تحصى بس من أكثر الاطباع اللي
يشتهر فيها هي المقالب وبصراحة
انا اعاني من هالسالفة لان كل
يوم اشوفه يسوي فيني مقلب
وأوقات توصل فيه الجرأة لما
نكون على الهوا وانصدم من اللي
يسويه فيني ابي اضحك بس ما
اقدر طبعا هذا شيء من لا شيء
ايضا فيه طبع غريب انه لازم
ياكل كاكاو ويشرب معاه ماي
قبل لا نبلش اي حلقة واذا ما اكل
يتوتر وتحوشه حالة غريبة ما
اقدر اوصفها مثل الادمان.
وشنو الطبع اللي وايد تأثرت
فيه؟
تأثرت في طبع جميل يمتلكه
هذا الانسان وبصراحة الله يهني
والدته لان اذا امه ازعلت منه
يبچي وما يقدر يسوي اي شي
ويتأثر بشكل كبير وما يرتاح الا
اذا امه رضت عنه والله يخليهم
لبعض ويحفظهم من كل شر.
كلمينا عن الاطباع اللي ما
حبيتيها في عبدالله؟
ما لقيت في ما حبيته او
تضايقت منه بالعكس كل اطباعه
جميلة وغريبة وبصراحة عبدالله
من الناس الصعب تلاقي نفس
اخلاقه واطباعه هذه الايام الله
يحفظه من الحسد ويوفقه في
حياته.
كلمة أخيرة ل »الأنباء ؟«
شكرا جزيلا لهذا اللقاء اللي
يكشف للجمهور عن خصال
جميلة يمتلكها للاخوة الزملاء في
المجال الاعلامي وبصراحة مهما
اتكلم واقول عن الاطباع الجميلة
في زميلي عبدالله مال الله ما راح
اخلص الله يوفقه ونشوفه في
احسن المراتب والمراكز واشوفه
مذيع متألق في كل الميادين.