اليوم بنغير شوي ونروح عالسحالي ونترك التماسيح شوي
أنا محايدة عشان محد يزعل
الهدف من المواضيع الضحك والفرفشة والابتسامة
**************
حركات البنات في الطابور الصباحي ؟؟؟؟؟؟؟؟
هذي حركاااااات البناات في الطابور شوفوها واحكموا!!
البداية مع التفتيش :
ليش مريولك موديله كنه فستان عرس ؟ أبله هذا ستايلي ..
ليش حاطة عدسات زرق ؟ أبلة عيوني هذا.. امي اوروبية .
ليش كل هذا الكحل ؟ أبلة عيوني كحلية طبيعيا .. .
ليش المناكير ؟ أبلة هذا حنة سوداني مو مناكير .
ليش ما ترددين تحية العلم ؟ أبلة حلقي تعورني .>> ههههه ومن الجهة الثانية صوتها و سوالفها واصل لآخر صف ..
ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة
ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!
و طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .هههههههههههههه
وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.
نمر للبنات اللي مبققات عيونهم على الأبلوات ..
وين أبله سيتوبلازم ؟مو واقفة جنب العمود أكيد غايبة اوكي الحصة الأولى فاضيين . يا سلااااااام
وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي...
وين أبله الحجم العائلي ؟ اوف كمان جاية 00 لا وتشوف علي كمان شافها ملك الموت " عزرائيل " اليوم قولو آمين
شوفوا معلمة عطيات تنورتها تحفة .. خيالية.. آخر موضة .....من وين اشترتها ؟
عاد معلمة دراكولا مشترية دمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .
والحين قبل لا نخلص نشوف سوالف الدلوعات :
أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة .
تدرين مع من سولفت أمس بالشات ؟مع لبناني وحاط صورته يمة يذوب ... شعر اشقر و عيون خضرا .
و نخلص بالبنات اللي اختصاصهم الحش :
شفتي فلانة امس فاتحة شعرها كنه خرطوم حريق.
ولا علانة اللي كانت عايشة في ماليزيا اليوم جايه بقميص صوف والحرار40 درجة غبية وحدة .
ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .
الصراحه الموضوع يستاهل تقرونه وأنا نزلته لعيونكم ......
بس مثل ما قلنا الزعل ممنوع 00 والضحك مسموح00 والردود الحلوة واجبة عليكم (اشرايكم أسويه شعارى فى المنتدى ) 00
شوفوا موضوع السحالي والتماسيح للضحك والكركرة والفرفشة0
أما الصدق يا إخوان وأخوات فى المنتدى انتوا عالعين والرأس00
نبي ننوع فى المواضيع 00إشوي عليكم واشوي علينا فى الضحك عشان محد يزعل 000 والله لا يجيب زعل يارب 000
يالا نسمي بالرحمن ونقرا الردود والله يستر منكم 000 تكفون شوي شوي علي ترى الدكتور مانع(مانع والا دواس) علي العصبية ومانع أحد يزعلني(كلش مو مسكينة يا حرام رقيقة لحد يعصب عليها )00 اذا زعلت ترى أطفي اللاب وأنام000
ترى اللي بيبجي (بيبكي )من الضحك تراني ببيع محارم ورقية 0(مناديل)لعيونكم الحلوة 00(بعد اشتبون ترجمة فورية مين قدي)
يالا استعنا عالشقا بالله 000 ربنا يستر 000 الله المعين 000(خير ان شاء الله رايحة أجاهد )000
الصراحه الموضوع يستاهل تقرونه وأنا نزلته لعيونكم ......
بس مثل ما قلنا الزعل ممنوع 00 والضحك مسموح00 والردود الحلوة واجبة عليكم (اشرايكم أسويه شعارى فى المنتدى ) 00
شوفوا موضوع السحالي والتماسيح للضحك والكركرة والفرفشة0
أما الصدق يا إخوان وأخوات فى المنتدى انتوا عالعين والرأس00
نبي ننوع فى المواضيع 00إشوي عليكم واشوي علينا فى الضحك عشان محد يزعل 000 والله لا يجيب زعل يارب 000
يالا نسمي بالرحمن ونقرا الردود والله يستر منكم 000 تكفون شوي شوي علي ترى الدكتور مانع(مانع والا دواس) علي العصبية ومانع أحد يزعلني(كلش مو مسكينة يا حرام رقيقة لحد يعصب عليها )00 اذا زعلت ترى أطفي اللاب وأنام000
ترى اللي بيبجي (بيبكي )من الضحك تراني ببيع محارم ورقية 0(مناديل)لعيونكم الحلوة 00(بعد اشتبون ترجمة فورية مين قدي)
يالا استعنا عالشقا بالله 000 ربنا يستر 000 الله المعين 000(خير ان شاء الله رايحة أجاهد )000
ما أوصيكم هالا هالا بالردود الحلوة 00الكويسة 00الرقيقة 00الناعمة00البسيطة 00الخ 00(كل هذا خوف الله أكبر)00
لا والله عن جد وجد الجد قولوا اللي تبونه عبروا عن مشاعركم00
بانتظار ردودكم 000 ودمتم0000
اشرايكم عجبتكم 000 والله إني خطيرة 000 أجل احنا بنلعب0